Konfranslar nə üçün transkripsiya olunmalıdır?
Transkripsiya səsin yazıya çevrilməsi prosesidir və insanlar tərəfindən müxtəlif səbəblər üçün istifadə edilir. Həm bu işlə məşğul olan transkriptor, həm də avtomatik transkripsiya proqramından istifadə edərək səsi yazıya çevirmək mümkündür. Bu xidmət konfransların da transkripsiyası üçün istifadə olunur.
Bəs konfrans transkripti nə üçün vacibdir?
Tədbirin ümumi məzmununu hazırlamağa kömək edir
Transkript tədbirdə danışılan bütün detalları özündə əks etdirir və səsə qulaq asaraq tədbirin ümumi məzmununu, orada danışılan mövzuları qısaca əhatə etmək üçün transkriptə baxmaq bütün səs yazısına qulaq asmaqdan daha asan və əlverişlidir.
Diqqətsizlik problemlərini aradan qaldırır
İştirakçılar tədbirdə danışılan hər hansı mövzular barədə qeydlər aparmaq istəyir və bu proses zamanı onların fikri məhz həmin mövzuda olduğundan digər vacib məqamları qaçıra bilirlər. Tədbirin bütün səs yazısının mətnini özündə əks etdirən transkriptlə bu problem aradan qalxmış olur. Bu həm də diqqətsizlik problemi olan, yəni qısa zaman ərzində bir neçə mövzunu yadda saxlamaq iqtidarında olmayan şəxslər üçün də əlverişlidir. Onlar sonradan transkripti nəzərdən keçirərək onlara maraqlı olan mövzular barədə qeydlər apara bilərlər.
Açar sözlərlər axtarışa imkan yaradır
Bəzi konfranslar bir neçə saat çəkir və nəticədə yorğunluq və ya digər səbəbdən iştirakçılar müzakirə edilən bütün məsələlər barəsində qeydlər apara bilmir. Avtomatik transkripsiya proqramları istifadəçiyə mətni açar sözlərlə axtarmaq funksiyası təklif edir. Əlavə olaraq, siz istənilən sözün üstünə klikləyərək həmin sözün səs yazısında yerləşdiyi hissəyə qulaq asa bilərsiniz.
Danışanları fərqləndirə bilir
Bəzən səs yazısına qulaq asarkən çıxış edən müxtəlif şəxsləri fərqləndirmək çətin olur. Süni intellekt texnologiyası ilə çalışan avtomatik transkripsiya proqramları danışan müxtəlif şəxsləri bir-birindən fərqləndirə bilir. Bununla da siz danışılan mətnləri çıxış edən şəxslər üzrə kateqoriyalaşdıra bilirsiniz.
Böyük auditoriyaya çatmağa kömək edir
Bəzi şəxlər müxtəlif səbəblərdən tədbirə qatıla bilmir, digərlərinin isə eşitmə problemləri olur. Onları məlumatlandırmaq üçün konfrans təşkilatçıları tədbirin transkriptini təqdim edə bilər. Başqa effektiv strategiya isə transkriptin müxtəlif dillərə tərcümə edilməsi və yayılmasıdır. Bunlarla yanaşı, SEO açar sözlərdən istifadə edərək transkripti şirkətin internet səhifəsində yayımlamaq da başqa bir üsuldur.
Təlim və tədqiqat üçün mənbə ola bilər
Trankripti başlıqlar, cədvəllər, qrafiklər və s. əlavə etməklə müyyən bir struktura salmaq və onu kitab və ya başqa formatda çap etmək şirkətlər üçün əlverişli ola bilər. Bu kitablardan elmi-metodiki vəsait kimi istifadə edərək əməkdaşların təlimini həyata keçirmək mümkündür. Əlavə olaraq, belə çap materialları tədqiqatçılar üçün də qiymətli məlumat mənbəyidir.
Yuxarıda sadalanan bütün üstünlükləri böyük sürət, sərfəli qiymət və təhlükəsiz məlumat saxlanması təklif edən Voicedocs-dan istifadə edərək əldə edə bilərsiniz.